منذ البداية ونحن لا نعرف النهاية...
كل مرة كنطلع عيني لسماء، كنسول راسي : واش كاين شي واحد كيراقبنا؟ واش كاين شي واحد كيشوف الافعال ديالنا وكيتوقع شنو غادي نديرو حنا كبشر، ولى عندنا تكبر او غرور كبير . ما بقيناش كنشوفو راسنا جزء من هاد الكوكب، ولى كنشوفو راسنا حنا لي متحكمين فيه. ولكن الحقيقة اللي معرفينهاش هي أننا مجرد ذرات فهاد الكون الكبير، وأي خطأ بسيط يقدر يوقف كلشي.
فاش كتولي الأحلام بعض المرات كوابيس، مرات كيجيك إحساس غريب، بحال إلى كنا كنفكرو بزاف فحاجات الصغيرة وكنساو نفكروا فالحاجة الكبيرة. فكر فهادشي: حنا اللي بداو فالحياة ككائنات صغيرة تحت قوانين الطبيعة، ولى اليوم كنحاولوا نتحكموا فكلشي. اخترعنا النار، ودابا وصلنا للذكاء الاصطناعي. وكلما تقدمنا، كلما فقدنا جزء من إنسانيتنا. بخصوص التكنولوجيا شنو رأيك فشي نهار غادي نعدلوا جيناتنا؟ واش غادي نوليوا فوق كلشي؟ وفيما يخص الأسلحة، عندنا أسلحة نووية قادرة تحرق الأرض. علاش؟ حيث مازال كنظنوا أن القوة هي الحل الوحيد.
الإنسان ديما كيظن أن التقدم غادي يحسن من الحياة ديالنا ، ولكن كلما تقدمنا كلما كنخربو الأرض، نلوثو البحر، نغيرو الطقس و كتولي حتا الحرائق والفيضانات و الزلازل مشي صدفة . الأمراض بحال السكري والسرطان اللي ما كانتش فالعصور القديمة ولات اليوم من المشاكل الصحية الموجودة . السكري مثلاً، ما كانش معروف فالقديم بسبب التغيرات فالأكل والحياة السريعة. والسرطان كان نادر، ربما بسبب العمر القصير ديال الإنسان فديك الفترة أو العوامل البيئية اللي كانت مختلفة. مع التقدم والتغيرات اللي وقعات هاد الأمراض ولات جزء من حياتنا.
الفلوس ولات مسيطرة على كلشي، حتى البيئة ما بقاتش تهمنا، والحكومات كيديروا مصالحهم قبل مصلحة الشعوب. النهاية ديالنا غادي تجي بلا ما نحسو بها: أمراض، جوع، كوارث طبيعية.
أنت لست الشخص الذي تعتقد أنك عليه...
بل الشخص الذي تتحول إليه كل يوم. كل لحظة هي فرصة لإعادة خلق نفسك.
